گلبرگہ: آل انڈیا مہیلا سنسکرت تنظیم کسان دھرنے کی حمایت میں

کرناٹک کے ضلع گلبرگہ میں واقع آل انڈیا مہیلا سنسکرت تنظیم نے دہلی میں نئے زرعی قوانین کے خلاف دھرنے پربیٹھے کسانوں کی حمایت کی۔

ریاست کر ناٹک کے ضلع گلبرگہ میں واقع آل انڈیا مہیلا سنسکرت تنظیم نے دہلی میں نئے زرعی قوانین کے خلاف دھرنے پر بیٹھے کسانوں کی حمایت کی۔

دھرنے کے تعلق سے بات کرتے ہوئے آل انڈیا مہیلا سنسکرت تنظیم کی ریاستی صدر بی آر اپرنا نے کہا کہ' دہلی میں جاری کسانوں کے دھرنے میں میں نے بھی شرکت کی ہے۔ وہاں پر پچھلے 45 دنوں سے کسان اپنے حقوق کے لئے مرکزی حکومت کے خلاف احتجاج کر رہے ہیں اور دھرنے پر ہیں۔

انہوں نے بتایا کہ' دہلی میں جاری کسان دھرنے میں ملک کی مختلف ریاستوں کے کسان شامل ہیں۔ کسان آپسی اتحاد کا مظاہرہ کر تے ہوئے اپنی آواز کو بلند کر رہے ہیں۔ حکومت کی جانب سے نافذ کردہ نئے زرعی قوانین سے ملک کے کسانوں کے ساتھ ساتھ عام انسانوں کو بھی نقصان ہوگا۔

انہوں نے کہا کہ' مرکزی حکومت زراعت کے شعبہ کو کارپوریٹرز کے حوالے کرنا چاہتی ہے۔ جو ملک کے کسانوں کو اپنا غلام بنانے کی کوشش کریں گے۔ کرناٹک کے کسانوں نے بھی اس دھرنے کی حمایت کی ہے۔