ڈوڈہ میں احتجاج

ریاست جموں و کشمیر کے ضلع ڈوڈہ میں آج ولیج ڈیفنس کمیٹی کے درجنوں ممبران نے اپنی ماہانہ تنخواہوں کے نہ ملنے کی وجہ سے ایس ایس پی آفس کے باہر احتجاج کیا۔

جس میں ضلع کے مختلف دیہات سے آئے ہوئے ولیج ڈیفنس کمیٹی کے ممبران نے شرکت کی۔

ان کا مطالبہ تھا کہ پچھلے چھ ماہ سے ان کی تنخواہ نہ ملنے سے ان کے اہل خانہ کافی پریشانی سے دوچار ہیں۔

ان کا کہنا تھا کہ جب 1996 میں گاؤں گاؤں ولیج ڈیفنس کمیٹی بنائی گئی تھی تو 'ہم نے اپنی جان پر کھیل کر اپنے گاؤں کو دہشت گردوں سے بچایا تھا اب عسکریت پسندی کم کیا ہوئی تو سرکار نے ہماری تنخواہوں کو روک دیا لہذا ہماری گورنر انتظامیہ سے گزارش ہے کہ ہماری تنخواہوں کو فورآ واگزار کیا جائے۔