جموں میں جلد ہی میونسپل کارپوریشن کی گاڑیوں میں نگرانی سسٹم نصب ہوگا

جموں میونسپل کارپوریشن جموں صوبے میں اپنی گاڑیوں کی نگرانی کے لیے جلد ہی ایک مصنوعی نگرانی سسٹم نصب کرنے کی تیاریاں کررہا ہے۔

جموں میونسپل کارپوریشن نے بتایا کہ جموں بالخصوص شہر میں چلنے والی گاڑیوں کی مکمل جانکاری کی جانچ کے سلسلے میں ایک مصنوعی نگرانی سسٹم نصب کیا جائے گا۔

کارپوریشن کے مطابق اس سسٹم کے نصب ہونے سے گاڑیوں میں غیر مناسب تیل کے استعمال اور ان میں ہونے والی دھاندلیوں کو بھی روکا جا سکتا ہے۔ اس منصوبےکی سرگرمیوں کی نگرانی کے لیے کارپوریشن کے کمپلیکس میں ایک کنٹرول روم قائم کیا جائے گا۔

مونسپل کاپوریشن کو گاڑیوں میں اس ٹیکنالوجی کو نصب کرنے پر 17 لاکھ روپے کا خرچہ آئے گا، جس کے لیے تیاریاں کی جار ہی ہیں۔ میونسپل کارپوریشن کے ایک عہدار نے بتایا کہ گاڑیوں میں اس سسٹم کی تنصیب سے کارپوریشن کو کافی فائدہ ہوگا اور کام کاج میں بھی شفافیت آئے گی۔

انہوں نے کہا کہ ان اقدام کا مقصد جموں کو سمارٹ سٹی بنانا ہے۔