جموں وکشمیرمیں کورونا وائرس سے دو مزید افراد متاثر

عالمی وبا کورونا وائرس کا پھیلاؤ میں روز بروز اضافہ ہوتا جا رہا ہے،اب بھارت کی تقریباً تمام ریاستیں اس سے متاثر ہو گئی ہیں۔

بھارت کے زیر انتظام جموں و کشمیر کے ضلع راجوری میں کوروناوائرس کے مزید دو معاملے پازیٹیو پائے گئے ہیں۔

اس کے ساتھ ہی اب جموں و کشمیر میں کوروناوائرس کے مریضوں کی تعداد 18 ہوگئی ہے۔

کوروناوائرس

جموں و کشمیر انتظامیہ کے پرنسپل سکریٹری روہت کنسل نے ٹویٹ میں تصدیق کرتے ہوئے لکھا کہ' دن کے آخر میں ضلع راجوری سے کوروناوائرس دو نئے معاملے پازیٹیو پائے گئے ہیں۔

ان میں سے ایک گزشتہ روز راجوری سے پازیٹیو پائے گئے شخص کے رشتےدار کاہے جب کہ دوسرا گزشتہ روز فوت ہونے والے کورونا وائرس سے متاثرہ شخص کے رابطے میں تھا۔ "

خیال رے کہ گذشتہ روز سرینگر کے رہنے والے چار افراد کورونا وائرس سے متاثر پائے گئے تھے۔

ان میں سے دو کی بیرون ملک سفر کی تاریخ ہے اور دیگر دونوں جموں و کشمیر سے باہر کسی مذہبی اجتماع میں گئے تھے۔

کورونا وائرس سے متاثر ہونے والوں افراد کی کل تعداد اس وقت 18 پہنچ گئی ہے۔

جس میں کشمیر سے 12، جموں اور راجوری سے تین تین مریضِ شامل ہیں۔

ان کے علاوہ ایک 65 برس کے شخص کی موت بھی واقع ہوئی ہے۔

اس وجہ سے تمام علاقے میں سراسیمگی کا ماحول ہے۔