پونچھ: جواہر لال نہرو کی زندگی پر بوائز ہائر سیکنڈری اسکول میں سمینار

جموں و کشمیر میں ضلع پوچھ کی تحصیل منڈی کے اسکول میں تقریری مقابلہ کا انعقاد عمل میں لایا گیا جس میں بڑی تعداد میں طلبا نے شرکت کی۔

پنڈت جواہر لال نہرو کی زندگی اور خدمات پر بوائز ہائر سیکنڈری اسکول منڈی میں ایک سمینار منعقد ہوا جس میں بچوں نے پنڈت جواہر لال نہرو کی زندگی پر روشنی ڈالی۔ ضلع پونچھ کی تحصیل‌ منڈی کے بوائز ہائر سیکنڈری اسکول منڈی میں انچارج کلچرل سیل اکبر علی بانڈے نے ایک تقریری مقابلہ کا انعقاد کیا جس میں اسکول کے طلبا نے حصہ لیا۔ اس دوران لیکچرر محمد اعظم خان نے جج کے فرائض انجام دیئے۔

طلبا نے خوبصورت انداز میں تقریر کرتے ہوئے پنڈت جواہر لال نہرو کی زندگی پر روشنی ڈالی۔ اس موقع پر اکبر علی بانڈے نے بچوں سے کہا کہ وہ ان پروگراموں میں بڑھ چڑھ کرحصہ لیں اور اپنے اندر پائی جانے والی صلاحیتوں کو بروئے کار لائیں۔

آخر میں وائس پرنسپل ابوبکر نے انچارج سیل اکبر علی بانڈے کا شکریہ ادا کرتے ہو ئے کہا کہ ایسے پروگرام منعقد کرنے سے بچوں کی صلاحیتوں میں اضافہ ہوتا ہے۔ نیز جو بچوں کے اندر کورونا کی وجہ سے مایوسی کا ماحول ہے اُس پر بھی قابو پایا جاسکتا ہے۔