پونچھ سرحد پر گولہ باری، عام شہری زخمی

پاکستانی فوج نے جنگ بندی کی خلاف وزری کرتے ہوئے مینڈھر کے منکوٹ میں بھارتی فوجی چوکیوں کے ساتھ شہری آبادی کو بھی نشانہ بنایا۔

اس گولہ باری میں ضلع پونچھ کے منکوٹ رہائشی علاقے کے محمد مشتاق نامی شخص شدید طور پر زخمی ہو گئے۔

زخمی شخص کو مقامی لوگوں کی مدد سے ضلع ہسپتال مینڈھر میں داخل کرایا گیا۔ اس کی حالت تشویشناک بتائی جارہی ہے۔

منکوٹ کے مقامی لوگوں کے مطابق سنیچر کی دپہر کو بھی پاکستانی فوج نے چھوٹے ہتھیاروں کا استعمال کر فوجی چوکیوں کو نشانہ بنایا۔
تاہم دیر شام کو ایک بار پھر پاکستانی فوج نے گولہ باری کی۔ اس میں ایک عام شہری کے زخمی ہونے کے بعد پوری علاقہ میں ڈر و خوف کی لہر دوڑ گئی ہے۔
آخری اطلاع موصول ہونے تک دونون جانب سے گولہ باری کا سلسلہ جاری تھا۔