کشمیر: اتوار کو کورونا وائرس سے کوئی موت نہیں ہوئی

وادی کشمیر میں اتوار کو ڈھائی ماہ کے بعد کورونا وائرس سے کوئی بھی موت واقع نہیں ہوئی تاہم 24 گھنٹوں کے دوران جموں میں اس وائرس کے سبب دو افراد کی موت ہوئی ہے۔

گزشتہ 24 گھنٹوں کے دوران جموں و کشمیر میں 347 افراد کورونا مثبت پائے گئے جن میں 144 جموں جب کہ 203 کا تعلق کشمیر سے ہے، کشمیر سے تعلق رکھنے والے متاثرین میں پانچ بیرون ریاست سے سفر کرکے کشمیر پہنچے ہیں جب کہ 198 افراد مقامی طور پر رابطے میں آنے کی وجہ سے متاثر ہوئے ہیں۔

وہیں جموں میں 75 افراد بیرون ریاست اور دیگر ممالک سے سفر کر کے پہنچے ہیں اور 69 افراد مقامی سطح پر رابطے میں آنے کے باعث کورونا سے متاثر ہوئے ہیں۔

گزشتہ کل 79 دنوں کے بعد وادی میں اموات کا سلسلہ کم ہوگیا ہے اور 24 گھنٹوں کے دوران کوئی بھی شخص کورونا وائرس سے ہلاک نہیں ہوا ہے، کشمیر میں متوفین کی مجموعی تعداد فی الحال 2222 ہے۔