جموں: رتن لال گپتا، نیشنل کانفرنس کے صوبائی صدر نامزد

نیشنل کانفرنس نے پارٹی کے سینئر رہنما رتن لال گپتا کو جموں یونٹ کا کارگذار صدر نامزد کیا ہے جبکہ 16 اکتوبر کو اس عہدہ کا انتخاب عمل میں لایا جائے گا۔

دیویندر سنگھ رانا کے مستعفیٰ ہونے کے بعد نیشنل کانفرنس نے 16 اکتوبر تک پارٹی کے سینئر رہنما رتن لال گپتا کو صوبہ جموں کا عارضی صدر مقرر کیا ہے۔

واضح رہے کہ نیشنل کانفرنس کی جانب سے ایک ٹویٹ میں بتایا گیا ہے کہ دیویندر رانا اور سرجیت سنگھ سلاٹھیہ نے پارٹی صدر فاروق عبداللہ کو اپنا استعفی پیش کیا، جسے منظور کرلیا گیا ہے‘۔

وہیں پارٹی سے مستعفی ہونے کے بعد دیویندر سنگھ رانا نے میڈیا سے بات کرتے ہوئے بتایا کہ انہوں نے نیشنل کانفرنس کے صدر فاروق عبداللہ کو اپنا استعفی پیش کردیا ہے۔ انہوں نے نیشنل کانفرنس کی بنیادی رکنیت سے استعفی دے دیا ہے۔