ڈوڈہ میں روزگار میلے کا انعقاد

ریاست جموں و کشمیر کے ضلع ڈوڈہ میں محکمہ روزگار و مشاورتی سینٹر ڈوڈہ کی جانب سے بے روزگار نوجوانوں کو روزگار کے مواقعے فراہم کرنے کے لیے میلے کا انعقاد کیا گیا۔

ضلع ترقیاتی کمشنر ڈوڈہ ڈاکٹر ڈائفوڈ ساگر نے میلے کا افتتاح کیا۔

اس موقع پر اُن کے ہمراہ ڈپٹی ڈائریکٹر ڈوڈہ و دیگر ضلع افسران بھی موجود تھے۔

DODA

میلے میں ضلع کے مختلف علاقوں سے بےروزگار تعلیم یافتہ نوجوانوں نے شرکت کی، اس کے علاوہ نجی کمپنیوں کو بھی مدعو کیا گیا تھا۔

مختلف محکموں کی جانب سے نوجوانوں کو روزگار کی طرف راغب کرنے کے لیے سٹال بھی قائم کئے گئے تھے۔

بےروزگار نوجوانوں نے بےکاری سے تنگ آکر اپنی ڈگری کو بالائے طاق رکھ کر نجی کمپنیوں میں نوکری حاصل کرنے کے لیے اپنے کاغذات جمع کر دئیے ہیں ۔