پونچھ: لنک اپ ڈے کے موقع پر ہاکی ٹورنامنٹ کا انعقاد

افتتاحی تقریب کے دوران لائن آف کنٹرول پر تعینات فوج کی درگا بٹالین کے کمانڈر خصوصی طور پر پہنچے اور کھلاڑیوں سے ملاقات کرکے ان کی حوصلہ افزائی کی اور نوجوانوں سے کہا کہ 'وہ کھیلوں میں بھرپور طریقے سے حصہ لیں۔'

جموں وکشمیر کے ضلع پونچھ میں پونچھ بریگیڈ کی جانب سے '73ویں پونچھ لنک اپ ڈے' کے موقع پر مختلف قسم کی تقریبات کا انعقاد کیا جا رہا ہے۔

پونچھ اسٹیڈیم میں 73ویں پونچھ لنک اپ ڈے کے موقع پر ہاکی ٹورنامنٹ کا انعقاد کیا گیا۔ جس میں ضلع کی دس ٹیمیں حصہ لے رہی ہیں۔ جس میں مرد لڑکوں کی اور 4 خواتین کی ٹیمیں ہیں۔

افتتاحی تقریب کے دوران لائن آف کنٹرول پر تعینات فوج کی درگا بٹالین کے کمانڈر خصوصی طور پر پہنچے اور کھلاڑیوں سے ملاقات کر ان کی حوصلہ افزائی کی اور نوجوانوں سے کہا کہ 'وہ کھیلوں میں بھرپور طریقے سے حصہ لیں۔'

اس موقع پر سی او، درگا بٹالین، ہاکی فیڈریشن جموں و کشمیر کے سکریٹری، ہاکی کوچ اور تجربہ کار ہاکی کھلاڑی موجود تھے۔

افتتاحی تقریب کے دوران پونچھ واریئرز اور ینگ اسٹار پونچھ کے درمیان میچ کھیلا گیا۔ اس ٹورنامنٹ میں بوائز اور گرلز ٹیمیں حصہ لیں گی اور فائنل کی ٹیموں کو 'لنک اپ ڈے' پر انعامات دے کر نوازا جائے گا۔