سرگلی، رامبن: کھیل کا میدان بنانے کے لیے تیاریوں کا آغاز

مقامی لوگوں کے مطابق سرگلی ایک خوبصورت مقام ہے اور یہاں دور دراز علاقوں سے کھلاڑی اپنے ہنر دکھانے کے لیے آتے ہیں، اس لیے یہاں گراؤنڈ کا ہونا ضروری ہے۔

ضلع ترقیاتی کمشنر رامبن مسرت الاسلام کے حکم پر تحصیل پوگل پرستان میں تعینات پٹواری نے آج سرگلی کے احاطے کی پیمائش شروع کردی۔ یہ پیمائش اس لیے شروع کی گئی تاکہ یہاں ایک میدان بنایا جاسکے۔

زرائع ابلاغ کے نمائندوں سے بات کرتے ہوئے سرپنچ پوگل نے کہا کہ آج پٹواری، ڈپٹی کمشنر رامبن کے حکم پر پیمائش کرنے آئے ہیں۔ انہوں نے کہا سابقہ قومی صدر این وائی ایس یو فیروز احمد خان نے علاقے پوگل کی طرف سے ڈی سی رامبن سے اس سلسلے میں تحریری طور پر گزارش کی تھی کہ سرگلی ایک خوبصورت مقام ہے اور یہاں دور دراز علاقوں سے کھلاڑی اپنے ہنر دکھانے آتے ہے، اس لیے یہاں گراؤنڈ کا ہونا ضروری ہے۔

سرپنچ اقبال نے کہا فیروز احمد کے کہنے پر آج ڈپٹی کمشنر رامبن کی طرف سے پٹواری کو سرگلی میں ناپ اور پیمائش کے لئے بھیجا گیا، جس کے لیے وہ ضلع ترقیاتی کمشنر کا شکریہ ادا کرنے کے علاوہ جنگی سطح پر گراؤنڈ تعمیر کرنے کا مطالبہ کیا۔ اس موقع پر حلقہ سرپنچ محمد اقبال کثوچ اور دیگر معزز شہری موجود تھے۔