چھ مئی کو سرینگر میں دربار کھلے گا

جموں و کشمیر کے چیف سیکرٹری بی وی آر سبھرامنیم نے ایک اعلیٰ سطحی میٹنگ کے دوران جموں سے سرینگر تک دربار موو دفاتر کی منتقلی کے سلسلے میں کئے جا رہے انتظامات کا جائزہ لیا۔

عمومی انتطامیہ محکمے کی طرف سے جاری کئے گئے ایک حکم نامے کے مطابق ہفتے میں پانچ دن کام کرنے والے دفاتر جموں میں 26 اپریل 2019 کو دفتری اوقات کے بعد بند ہوں گے جبکہ ہفتے میں چھ دن کام کرنے والے دفاتر 27 اپریل 2019 کو دفتری اوقات کے بعد جموں میں بند ہوں گے۔

یہ تمام دفاتر سری نگر میں 6 مئی 2019 کو اپنا کام کاج شروع کریں گے۔

جموں وکشمیر واحد ریاست ہے جہاں حکومتی کاروبار دو شہروں سے چلایا جاتا ہے۔ موسم سرما میں کاروبار حکومت جموں سے چلایا جاتا ہے جبکہ سرینگر کو گرمائی دارالخلافہ کا درجہ حاصل ہے۔