کانگریس نے بی جے پی کے تمام الزمات کو مسترد کیا

کانگریس کے ترجمان رویندر شرما نے بی جے پی رہنماوں کے ان الزامات کو پوری طرح مسترد کردیا جن میں کانگریس کو ملک مخالف اور دہشت گرد قرار دیا گیا تھا۔

بی جے پی کے مرکزی وزیر ڈاکٹر جتندر نے کانگریس پر الزام عائد کرتے ہوئے کہا تھا کہ کانگریس دہشتگردوں کی جماعت ہیں ۔

کانگریس کے ترجمان رویندر شرما نے ان کے الزامات کا جواب دیتے ہوئے کہا کہ بی جے پی اہم مسائل و ایشوز سے ہٹ کے جھوٹی اور بے بنیاد چیزیں پھیلا کر ملک کے عوام کو گمراہ کر رہی ہے۔ ملک کے اہم حقائق کو چھپایا جارہا ہے۔

انہوں نے مزید کہا کہ بی جے پی نے لوگوں سے جھوٹے وعدے کئے، بی جے پی کے دور میں سب سے زیادہ فوجی جوان شہید ہوئے اور ملک پر کئی جہت سے حملے بھی ہوئے جسے روک پانے میں بی جے پی کی حکومت ناکام رہی ہے۔