'ایڈمینسٹریشن ڈویزن کے ذریعہ جموں کو برباد کرنے کی کوشش'

ایڈوکیٹ و یک جُٹ تنظیم کے چیئرمین انکر شرما نے کہا کہ ہم جموں کی عوام سے اپیل کرتے ہیں کہ حکومت کے اس فیصلہ کے خلاف صدا بلند کریں اور اپنا احتجاج درج کرائیں تاکہ جموں کو بچایا جاسکے۔

یک جٹ جموں نے مرکزی حکومت کے ذریعہ مرکز کے زیر انتظام جموں و کشمیر میں ایک نئے ایڈمنسٹریشن ڈویزن بنانے کے منصوبے پر حکومت کو چیلینج کیا ہے۔

ایڈوکیٹ و یک جٹ کے چیئرمین انکر شرما نے کہا کہ گرچہ جموں و کشمیر سے دفعہ 370 ہٹا لیا گیا ہے تاہم حکومت ایک نئے ایڈمنسٹریشن ڈویزن بنا کر جموں کو دوبارہ مسلم ریاست بنانے کی کوشش کی جارہی ہے جس کی ہم نہ صرف مذمت کرتے ہیں بلکہ اس کی مخالفت بھی کرتے ہیں۔

انکر شرما نے کہا کہ یہ جو منصوبہ حکومت بنا رہی ہے وہ منصوبہ شیخ عبداللہ اور مشرف پلان کے تحت پہلے ہی انجام پا چکا ہے جس سے معلوم ہوتا ہے کہ ایڈمنسٹریشن ڈویزن بنا کر جموں کو برباد کرنے کی کوشش کرنا چاتی ہے۔

انہوں نے مزید کہا کہ ہم جموں کی عوام سے اپیل کرتے ہیں کہ حکومت کے اس فیصلہ کے خلاف آواز بلند کریں اور جم کر احتجاج کریں تاکہ جموں کو بچایا جا سکے۔