جے پور: فوڈ پوائزننگ سے دو بچے فوت دو زیر علاج

جے پور میں فوڈ پوائزننگ سے دو بچوں کی موت ہوچکی ہے اور دو بچے اور ان کی والدہ ہسپتال میں زیر علاج ہیں۔

ریاست راجستھان کے دارالحکومت جے پور کے عید گاہ علاقے کے باس بدن پورہ کے امام چوک علاقے میں مقامی باشندوں کے مطابق ایک ہی خاندان کے پانچ افراد فوڈ پوائزننگ سے متاثر ہوئے ہیں۔

اسپتال لے جانے کے بعد دو بچوں کا انتقال ہوگیا اور دو بچے اسپتال میں زیر علاج ہیں، وہیں مقامی لوگوں کا کہنا ہے کہ ان کی والدہ کی حالت زیادہ خراب ہے.

ان بچوں کا پوسٹ مارٹم کیا جارہا ہے۔ مقامی رکن اسمبلی مہیش جوشی نے بھی ہسپتال پہنچ کر معلومات حاصل کی ہیں۔

مرنے والے بچوں میں گیارہ برس کا اسلم اور چار برس کی صوفیہ ہے، آٹھ برس کی جویریہ اور پانچ برس کی مریم زندگی اور موت کی جنگ لڑرہے ہیں۔