Madrasa Bagh o Bahar become a Parking lot: جے پور کا مدرسہ باغ و بہار بنا پارکنگ کا اڈہ

جے پور کے باس بدن پورہ علاقے میں واقع مدرسہ باغ و بہار Madrasa Bagh o Bahar میں کار کھڑی ہوئی نظر آئیں۔ ان گاڑیوں کو دیکھ کر وقف بورڈ کے چیئرمین ڈاکٹر خانو خان بودھوالی برہم ہو گئے۔ ساتھ ہی پولیس افسران کو ہدایت دی کہ جس کی بھی یہ گاڑیاں ہیں ان تمام گاڑیوں مالکان کو اطلاع دی جائے کہ یہاں یعنی مدرسہ میں گاڑیاں پارک نہ کی جائیں۔

بھارتی ریاست راجستھان کے دارالحکومت جے پور کے باس بدن پورہ علاقے میں واقع مدرسہ باغ و بہار Madrasa Bagh o Bahar کو پارکنگ اڈا بنا دیا گیا۔ اس بات کا خلاصہ راجستھان مسلم وقف بورڈ چیئرمین ڈاکٹر خانو خان بودھوالی نے کیا ہے۔ راجستھان مسلم وقف بورڈ کے چیئرمین ڈاکٹر خانو خان بودھوالی نے وقف جائداد جائزہ لیا۔

اس دوران باس بدن پورہ علاقہ کے لوگوں نے ڈاکٹر خانو خان بودھوالی سے اس بات کی شکایت کی تھی کی علاقے میں ایک مدرسہ ایسا بھی ہے جہاں پر مدرسے کے چند لوگ اپنی گاڑیوں کو پارک کرتے ہیں۔

اس کے بعد ڈاکٹر خانو خان بودھوالی نے مدرسہ باغ و بہار کا جائزہ لینے پہنچے تو اندر تین سے چار گاڑیاں کھڑی ہوئی نظر آئیں، ان گاڑیوں کو دیکھ کر وہ غصہ ہو گئے اور وہاں پر موجود پولیس محکمے کے افسران کو ہدایت دی کہ جس کی بھی یہ گاڑیاں ہیں ان تمام گاڑی والوں کو بلایا جائے اور کل سے یہ گاڑیاں یہاں پر نظر نہیں آنی چاہیے۔

انہوں نے کہا کہ جس طرح سے مدرسہ باغ و بہار میں پارکنگ بنائی گئی ہے وہ سرارسر غلط ہے۔