راجستھان گورنر کلراج مصر سے عوام ناراض

جماعت اسلامی ہند کے ریاستی صدر ناظم الدین نے کہا کہ ہماری جانب سے اعلیٰ افسران اور راجستھان کے گورنر کو یہ اطلاع دی گئی تھی کہ کے 24 جنوری کو جمعہ کے روز ریلی نکالی جائے گی اور صدر جمہوریہ کے نام گورنر کو ایک میمورینڈم دیا جائے گا لیکن جب ہم لوگ ریاستی گورنر کے مکان پر پہنچے تو ہمارے ساتھ جس طرح کا سلوک کیا گیا وہ ناقابل قبول ہے۔

ریاست راجستھان میں شہریت ترمیمی قانون، این آر سی اور این پی آر کی مخالفت میں صدر جمہوریہ کو میمورنڈم دینے پہنچے لوگوں سے ریاستی گورنر نے ملنے سے انکار کردیا۔

اس واقعہ کے بعد جماعت اسلامی ہند کے ریاستی صدر ناظم الدین نے ای ٹی وی بھارت کو بتا یا کہ' وہ لوگ اس قانون کے خلاف میمورںڈم دینے گورنر ہاوس پہنچے، لیکن وہاں کلراج مشرا نے ملنے سے صاف انکار کر دیا۔