اتوار کو تمام ملزمین سے پوچھ گچھ کر لی گئی ہے جس کے بعد ان تمام ملزمین کو کسٹم ڈپارٹمنٹ کے افسران نے گرفتار بھی کر لیا ہے۔
وہیں تمام ملزمین کو پیر کو ای او ڈبلیو کی عدالت میں پیش کیا جائے گا۔ اس کے ساتھ ہی سنیچر کو تمام ملزمین کا کورونا ٹیسٹ بھی کرایا گیا تھا جس میں تمام ملزمین کی ٹیسٹ رپورٹ منفی آئی ہے۔
معاملہ کیا ہے؟
ریاست راجستھان کے جے پور ایئرپورٹ پر جمعہ کی شام کسٹم ڈپارٹمنٹ کے افسران نے سونے کی اسمگلنگ کا انکشاف کیا۔ یہ اب تک کا سب سے بڑا معاملہ بتایا جا رہا ہے۔
جے پور ایئرپورٹ پر جمعہ کی شام تین فلائٹ سے آئے تین مسافروں کے سامان کی شبہ کی بنیاد پر جانچ کی گئی۔ ان کے پاس سے تقریباً ساڑھے نو کلو سونا پکڑا گیا۔ اس کے محض تین گھنٹے بعد دیگر ایک فلائٹ سے 22.65 کلو سونا لاتے ہوئے 11 مسافروں کو پکڑا گیا۔ اس طرح سے کسٹم ڈپارٹمنٹ نے کل 14 مسافروں کو گرفتار کیا ہے۔ سونے کی مجموعی قیمت 15 کروڑ سے زائد بتائی جا رہی ہے
