اندور:ریاستی حکومت ہٹلر شاہی کے راستہ پر گامزن، کانگریس کا الزام

ریاست مدھیہ پردیش کے ضلع نمچ میں چند ایام قبل شرپسندوں کے ذریعہ ایک آدیواسی نوجوان کو ٹریکٹر سے گھسیٹنے کا دلخراش معاملہ سامنے آیا تھا۔ متاثرہ نوجوان کی موت ہوگئی۔ جس کے بعد آدیواسی طبقہ میں غم و غصہ کا ماحول پایاجا رہا ہے-

مدھیہ پردیش کے نیمچ شرپسندوں کے ذریعہ ایک آدیواسی نوجوان پر ظلم و تشدد کے نتیجہ میں اس نوجوان کی موت ہوگئی تھی ۔اس کے بعد کانگریس پارٹی کے اندور شہر کے صدر باکی وال نے ریاستی حکومت کو تنقید کا نشانہ بناتے ہوئے کہا کہ یہ حکومت ہٹلر شاہی کے طرز پر حکمرانی کررہی ہے۔

انہوں نے مزید کہا کہ ریاست مدھیہ پردیش جسے امن و امان کا گہوارہ کہا جاتا ہے ۔تاہم حالیہ دنوں میں پیش آئے چند واقعات سے ریاست شبیہ بگڑی ہے۔

انہوں نے مزید کہا کہ اس واقعہ سے آدیواسی طبقہ غمزدہ ہے۔ کانگریس پارٹی کی جانب سے ہلاک شدہ شخص کو موم بتی جلاکر خراج عقیدت پیش کیا گیا ۔

آدیواسی طبقہ نے مطالبہ کیا ہے کہ ریاست میں آئندہ اس طرح کے واقعات پر روک لگانے کے لئے حکومت اقدامات اٹھائے۔ مذکورہ معاملہ کے تحت پولیس نے چھ ملزمین کو گرفتار کیا ہے۔

وہیں ریاست کے وزیر اعلی شیو راج سنگھ چوہان کا کہنا ہے کہ حکومت اس معاملے میں ملوث افراد کے خلاف سخت کاروائی کرے گی۔