مسلمانوں کو ڈرنے کی ضرورت نہیں: سید شاہنواز حسین

مدھیہ پردیش کے صنعتی شہر اندور میں بھارتی جنتا پارٹی کے قومی ترجمان سید شاہنواز حسین نے کہا کہ' شہریت ترمیمی قانون سے مسلمانوں کو ڈرنے کی ضرورت نہیں' ۔

مرکزی حکومت کی جانب سے لائے گئے شہریت ترمیمی قانون کے خلاف ملک بھر میں مظاہرے ہو رہے ہیں اسی تعلق سے میڈیا کے سوال کا جواب دیتے ہوئے ہوئے بھارتی جنتا پارٹی کے ترجمان سید شاہنواز حسین نے کہا کہ بھارت کے مسلمانوں کو کسی سے ڈرنے کی ضرورت نہیں۔

جو لوگ شہریت ترمیم قانون کے بارے میں نہیں جانتے وہ لوگ غلط بیان بازی کر رہے ہیں ۔

مزید پڑھیں: یونیفارم سول کوڈ ہوگا نافذ؟

انہوں نے کہا کہ'جو لوگ نریندر مودی کو انتخابات میں شکست نہیں دے سکتے وہی یہ کام کر رہے ہیں۔

انہوں نے مدھیہ پردیش کمل ناتھ حکومت پر طنز کرتے ہوئے کہاکہ' یہکام چلاؤ حکومت ہے، یہ جگاڑ حکومت ہے، یہ پہلی حکومت ہے جس میں ان کے رہنما سڑکوں پر ہے۔