ای راجندر نے کے سی آر پر تنقید کرتے ہوئے کہا کہ ان (راجندر) کے استعفیٰ سے عوام کا فائدہ ہورہا ہے کیونکہ حضورآباد انتخابات کے خوف سے کئی اسکیمیں نافذ کی جا رہی ہیں۔ راجندر نے مطالبہ کیا کہ ایس سی، ایس ٹی اور بی سی کو ان کی آبادی کی بنیاد پر کابینہ میں نمائندگی دی جائے۔
انہوں نے سوال کیا کہ چندر شیکھر راو حکومت کو 8 سال میں دلتوں کی یاد کیوں نہیں آئی؟ انہوں نے وزیراعلی چندر شیکھر راو سے اس بات کی وضاحت کرنے کا مطالبہ کیا کہ دلت بندھو کے لیے درکار ایک لاکھ 70 ہزار کروڑ روپے کہاں سے لائیں گے؟ انہوں نے کہا کہ وہ ریاست کی مالی صورتحال پر کھلے عام مباحثہ کے لیے تیار ہیں۔
یہ بھی پڑھیں: 'دلت بندھو ایک پروگرام نہیں ہے بلکہ ایک تحریک ہے'
بی جے پی رہنما نے کہا کہ کے سی آر ایسی شخصیت ہیں جو وزراء، ایم ایل اے اور ان کے قریبی لوگوں کے مشورے کی پرواہ نہیں کرتے۔ انڈیا ٹوڈے سروے میں چندر شیکھر راو کو جو مقام حاصل ہوا ہے اس کو دیکھنے کے بعد ان کو حقائق جاننے کی کوشش کرنا چاہئے۔ راجندر نے کہا کہ انہیں اپنے استعفی کے فیصلے پر فخر ہے۔ حضورآباد اسمبلی حلقہ جہاں سے انہوں نے استعفی دے کر بی جے پی میں شمولیت اختیار کی تھی کے ضمنی انتخاب میں، حکمران جماعت ٹی آر ایس لیڈران منڈل کی سطح پر ہی نہیں بلکہ گاوں گاوں پھرتے ہوئے بھی امیدوار کی ضمانت نہیں بچا پائیں گے۔
یو این آئی
