ٹی آرایس رہنما کے پربھاکر نے سی اےاے،این پی آر اوراین آر سی کے خلاف منظور ہوئی قراداد پربی جے پی رہنماوں کے متنازعہ ریمارکس کی مذمت کی۔
'نریندرمودی غداروطن کے طورپریاد کیے جائیں گے' شہریت ترمیمی قانون،این پی آر اور این آر سی کے خلاف تلنگانہ کی اسمبلی میں قرارداد منظور کرنے پر بی جے پی کی برہمی اور وزیر اعلی کے چندرشیکھر راو کو غدار وطن کہنے پر ٹی آر ایس پارٹی کے قانون ساز کونسل کے پربھاکر نے سخت ردعمل دیا۔
کے پربھاکر نے کہا کہ ملک میں نفرت کی سیاست کرنے والے اور سماج کو تقسیم کرنے والی بی جے پی کسی کو غدار وطن نہیں کہ سکتی۔
انھوں نے کہا کہ وزیراعظم نریندر مودی ملک کی عوام میں تفرقہ ڈال رہے ہیں،کے پربھاکر نے کہا کہ تاریخ کے اوراق میں نریندر مودی غدار وطن کے طور پر یاد کیے جائیں گے۔
مذکورہ رہنما نے کہا کہ وزیراعلی کے چندر شیکھر راو سیکلولرزم کے سفیر ہیں، اور وہ سماج میں سب کو ساتھ کو لیکر سب کی فلاح وبہبود پر یقین رکھتے ہیں۔
واضح رہے کہ پیر کے روز تلنگانہ اسمبلی میں سی اے اے،این پی آر اور این آر سی کے خلاف قرارداد منظور کی گئی،جس پر ریاستی بی جے پی رہنماوں نے اس پر متنازعہ تبصرہ کرتے ہوئے کہا کہ چندراشیکھر راو اگراپنی اسمبلی میں اسے منظور کرلیتے ہیں تو یہ رکنے والا نہیں ہے، بی جے پی رہنماوں نے یہ بھی کہا کہ کے سی آر ملک کے غدار ہیں۔
