محبوب آباد: ہسپتال کے سپرنٹنڈنٹ کا ریاستی وزیر پر ہراسانی کا الزام

تلنگانہ میں محبوب آباد گورنمنٹ ہسپتال کے سپرنٹنڈنٹ نے ان کے تبادلہ کو متنازع قرار دیا ہے۔ انہوں نے ریاستی وزیر ستی وتی راٹھور پر ذہنی اذیت پہنچانے کا الزام عائد کیا ہے۔

محبوب آباد گورنمنٹ ہسپتال کے سپرنٹنڈنٹ بھیم ساگر نے سیاسی وجوہات کی بنا پر ان کا تبادلہ حیدرآباد کئے جانے کا الزام عائد کیا ہے۔ بھیم ساگر نے بتایا کہ ’ان کے ریٹائرمنٹ کے لیے ایک سال سے زیادہ کا وقت ہے لیکن بغیر کسی وجہ کے ان کا تبادلہ کردیا گیا۔

انہوں نے کہا کہ ہسپتال کی ترقی کے لیے انہوں نے گذشتہ کئی سالوں سے سخت محنت کی ہے۔ انہوں نے اہم عہدوں پر فائز افراد پر انہیں نظرانداز کرنے کا الزام بھی عائد کیا۔

سپرنٹنڈنٹ نے ریاستی وزیر ستیہ وتی راٹھور پر مبینہ طور پر ان کے تبادلہ کے لیے اصرار کرنے کا الزام عائد کیا۔