این پی آر کا بائیکاٹ کرنے جمعیۃ علماء کی اپیل

عبدالقیوم شاکر القاسمی جنرل سکریٹری جمعیۃ علماء ضلع نظام آباد(تلنگانہ) نے موجودہ حکومت کی جانب سے جاری کردہ نئے این پی آر کا بائیکاٹ کرتے ہوئے تمام شہریان نظام آباد سے خواہش کی ہے کہ وہ اپنے اپنے محلوں میں اس سلسلہ میں شعور بیدار کریں۔

انہوں نے مزید کہا کہ سب کو بتائیں کہ حکومت تلنگانہ کی جانب سے بھی جو این پی آر کا عمل یکم اپریل سے شروع ہونے جا رہا ہے اس میں کسی بھی سرکاری عہدیدار کا تعاون نہ کیاجائے۔

ساتھ ہی دو ٹوک الفاظ میں جواب دیا جائے کہ ہم اس قانون کے مخالف ہیں اسی لئے ہم اس کی کوئی تفصیلات فراہم نہیں کرنا چاہتے۔برائے مہربانی ہمارے گھر اور ہمارے محلہ سے واپس چلے جائیں۔ صاف لفظوں میں اس بات کی صراحت کی جائے کہ اس قانون سے ہم مسلمان ہی نہیں بلکہ ملک کا ہر امن پسند شہری خواہ وہ کسی بھی مذہب سے تعلق رکھتا کیوں نہ ہو اس کو نقصان پہونچے گا اس لئے ہم ملک کی حفاظت اور شہریوں کے تحفظ و دستور کا تحفظ کرنا چاہتے ہیں۔ بطور خاص ہر محلہ کے نوجوانوں اور تعلیم یافتہ نوجوانوں سے جمعیۃ علماء اپیل کرتی ہے کہ اپنی اپنی گلی میں یہ کام کریں۔