کورونا وائرس: حیدرآباد میں ہوم گارڈ کی موت

عالمی وبا کورونا وائرس کا قہر جاری ہے، حیدر آباد کے دبیر پورہ علاقے کے ایک ہوم گارڈ کی اس وبائی بیماری سے موت واقع ہو گئی ہے۔

پرانا شہر حیدرآباد کے علاقہ دبیر پورہ سے تعلق رکھنے والے ایک ہوم گارڈ کی کورونا وائرس سے موت ہوگئی۔

اس ہوم گارڈکو صحت کی خرابی کے بعد ایک کارپوریٹ اسپتال منتقل کیا گیا تھا جہاں وہ زیر علاج تھا تاہم بہتر علاج کے لئے اس کو سکندرآباد کے گاندھی اسپتال منتقل کیا گیا جہاں کورونا وائرس سے متاثرہ افرادکا علاج کیا جا رہا ہے۔

گاندھی اسپتال کے ڈاکٹرس نے اس کا معائنہ کرتے ہوئے اس کو مردہ قرار دیا۔ اسی دوران پرانا شہر ہی کے پیٹلہ برج سرکاری اسپتال میں چار پی جی ڈاکٹرس کورونا سے متاثر ہوگئے۔ ان کی طبی جانچ پر اس بات کا پتہ چلا۔

پی جی ڈاکٹرس کی جانچ پر دو پروفیسرس سمیت 12ڈاکٹرس کوویڈ19سے متاثر قرار دیئے گئے تھے۔ اسپتال میں صفائی کا کام کرنے والے 18سینی ٹیشن ورکرس میں بھی اس وبا کی علامات پائی گئیں جن کو علاج کے لئے گاندھی اسپتال منتقل کیا گیا۔