تلنگانہ کے ظہیرآباد میں کسانوں کا بند

تلنگانہ کے ضلع سنگاریڈی میں شوگر فیکٹریز کو دوبارہ کھولنے کامطالبہ کرتے ہوئے کسانوں نے ظہیرآباد میں بند منایا۔

سنگاریڈی میں شوگر فیکٹریز کو دوبارہ کھولنے کا مطالبہ کرتے ہوئے منائے گئے بند کے حصہ کے طور پر مقامی تاجروں نے اپنی دکانات کو بند رکھتے ہوئے کسانوں کی حمایت کی۔ اپوزیشن جماعتوں کانگریس، بی جے پی اور بائیں بازو نے اس بند کی حمایت کی۔کسانوں نے میڈیا سے بات کرتے ہوئے شوگر فیکٹریز کے احیا کا مطالبہ کیا۔

کسانوں نے افسوس کااظہار کرتے ہوئے کہاکہ ان کی فصلوں پر مناسب قیمت ادانہیں کی جارہی ہے۔ مختلف مواضعات سے تعلق رکھنے والے کسانوں کی بڑی تعداد نے احتجاج کیا اور اپنے مطالبہ کی حمایت میں ریلی نکالی۔

انہوں نے نعرے بازی کرتے ہوئے حکومت سے مطالبہ کیاکہ کسانوں کو ان کی فصل پر مناسب معاوضہ دیا جائے اور حکومت شکر کے کسانوں کی مدد کےلیے آگے آئے۔ انہوں نے زور دیتے ہوئے کہاکہ کسان، مختلف مسائل کے شکار ہے۔ ایسے میں حکومت کا یہ فرض ہے کہ کسانوں کے مسائل کو حل کرنے کو یقینی بناتے ہوئے ان کی مدد کرے۔

یو این آئی