میگھالیہ: لوگ جنگل میں چھپنے کے لیے مجبور

میگھالیہ کے ضلع مشرقی خاسی پہاڑیوں کے اچماتی میں خاسی اسٹوڈنٹ یونین (کے ایس یو) کے رہنما کی ہلاکت کے بعد کے ایس یو اور غیر قبائلیوں کے مابین جھڑپ میں میگھالیہ کے متعدد اضلاع میں کرفیو نافذ کردیا گیا جس کی وجہ سے آسام کے کامروپ، دھبری، گوالپاڈا، برپیٹا، کوکراجھار سمیت متعدد اضلاع کے ملازم پھنس گئے تھے۔

جمعرات کے روز، میگھالیہ پولیس نے پانچوں ٹرکوں کو بحفاظت آسام میگھالیہ کے سرحدی علاقے گوہاٹی پہنچایا اور آسام پولیس کے حوالے کر دیا۔ اس دوران آسام پولیس کے آئی جی (لا اینڈ آرڈر) اور بہت سارے دیگر اعلی عہدیدار جوراباٹ پہنچے اور صورتحال کا جائزہ لیا۔

میگھالیہ کے تشدد میں مزدور برپیٹا باشندہ وہاب علی نے کہا کہ گزشتہ پانچ دنوں سے وہ لوگ جنگل میں چھپے ہوئے تھے، وہاں کچھ بھی کھانے پینے کی چیزیں موجود نہیں تھیں۔ انہوں نے بڑی مشکل سے بی ایس ایف کا نمبر لے کر انہیں فون کیا، جس کے بعد انہوں نے ہمیں وہاں سے محفوظ طریقے سے نکال کر مقامی تھانے کے حوالے کر دیا۔

میگھاکیہ تشدد

جمعرات کو پانچ ٹرکوں میں جانوروں کی طرح بچے، خواتین کو بھر کر لایا گیا۔ ابھی بھی آسام کے کافی لوگ میگھالیہ میں پھنسے ہوئے ہیں۔ مزدوروں کو محفوظ طریقے سے نکالا جا رہا ہے۔

میگھاکیہ تشدد

آئی جی (لا اینڈ آرڈر) دیپک کمار کیڈیا نے کہا کہ بدھ کی رات خبر ملنے کے بعد ہم نے میگھالیہ پولیس سے رابطہ کیا، جن کی مدد سے ہم نے 279 لوگوں کو میگھالیہ پولیس نے محفوظ طریقے سے لاکر سونپا ہے۔ وہاں کتنے آدمی پھنسے ہوئے ہیں اس کی ہمارے پاس کوئی پختہ اعداد و شمار نہیں ہے۔ لیکن ہم میگھالیہ پولیس کے ساتھ لگاتار رابطے میں ہیں۔

کچھ لوگ تھانے میں تھے اور کچھ لوگ دیگر جگہوں پر اپنی جان بچا کر چھپے ہوئے تھے۔ جنہیں محفوظ طریقے سے انہیں گھر بھیجا جا رہا ہے۔

مزدوروں کا حال پوچھنے کے لیے بلسپاڑا کے سابق رکن اسمبلی اشوک کمار سنگھی و آل آسام گوریا موریا دیسی جاتیہ پریشد سنگٹھن کے رہنما بھی پہنچے تھے۔