کشی نگر میں سی پی آئی کی ہڑتال پانچویں روز بھی جاری

اترپردیش کے کشی نگر میں جوکوا-سونبرسا روڈ کی تعمیر کے لیے کمیونسٹ پارٹی (سی پی آئی) کی جانب سے کی جانے والی غیر معینہ مدت کا دھرنا پانچویں روز بھی جاری ہے۔ دھرنے کی قیادت کرنے والے لیڈروں نے انتباہ کیا ہے کہ اگر انتظامیہ نے ان کا مطالبہ نہیں مانا تو وہ سڑک پر اتریں گے۔

سی پی آئی کے ضلع صدر موہن پرساد گوڑ نے جمعہ کے روز کہا کہ ذمہ دار افسران کو اپنا آمرانہ رویہ چھوڑ کر لوگوں کی پریشانیاں سننے کے لئے آنا ہوگا۔ اگر روڈ کی تعمیر کا مسئلہ حل نہیں ہوا تو لوگ سڑک پر اترنے کو مجبور ہو جائیں گے۔

اترپردیش کسان سبھا کے ضلع صدر شمس الدین انصاری نے کہا کہ جوکوا -سونبرسا سڑک اس حکومت کی گڈھے سے پاک سڑک مہم کو آئینہ دکھا رہی ہے۔ اس حکومت میں عوامی مفادات کی بات نہیں سنی جا رہی ہے۔ آل انڈیا نوجوان سبھا کے ضلعی کنوینر برجیش کمار گونڈ نے کہا کہ یہ حکومت عوامی شعبے کے تمام کاموں کی نجکاری کر رہی ہے۔ عوامی مسائل سے حکومت کا کوئی لینا دینا نہیں ہے۔ مسٹر برجیش نے جوکوا -سونبرسا روڈ کی فوری طور پر توسیع کرنے کا مطالبہ کیا۔