دہلی - کولکاتا نیشنل ہائی وے پر ڈرائیورکی طبیعت خراب

ریاست بہار کے ضلع کیمور سے گزرنے والی دہلی - کولکاتا نیشنل ہائی وے نمبر 2 سے گزرتے ہوئے اترپردیش کے ایک ٹرک ڈرائیور کی سانس اچانک پھولنے لگی جس کے سبب ڈرائیور کو قرنطینہ میں رکھا گیا ہے

ڈرائیور کو کورونا وائرس انفیکشن کے پیش نظر بھبوا کے قرنظینہ بھیجا گیا۔ وہاں سے اس کے نمونے کورونا ٹیسٹ کے لئے تفتیشی مرکز بھیجے گئے۔

واضح رہے کہ اترپردیش کے ضلع بدایوں کے ٹرک ڈرائیور کی طبیعت ہائی وے سے گزرتے ہوئے مقامی تھانہ علاقے کے کرما گاؤں کے قریب خراب ہوگئی۔ اسے سانس لینے میں دشواری ہو رہی تھی۔ اس کے بعد اسے علاج کے لئے کدرا پی ایچ سی لا یا گیا تھا۔ پی ایچ سی سے اسپتال کی ایمبولینس سے اسے بھبھوا میں بھوپیش گپتا کالج کے قرنطینہ میں بھیج دیا گیا ہے۔