گیا: کورونا وائرس کا مشتبہ مریض اسپتال میں داخل

میانمار سے بہار کے گیا بین الاقوامی ایئرپورٹ پر پہنچتے ہی ایک مسافر کو کورونا وائرس سے متاثر ہونے کے شبہ میں انوگرہ نارائن مگدھ میڈیکل کالج اور اسپتال میں داخل کرایا گیا ہے۔

اے این ایم سی ایچ کے سپرنٹنڈنٹ ڈاکٹر وجے کرشنا نے بتایا کہ 'یہ معاملہ اس وقت سامنے آیا جب کورونا وائرس کی وجہ سے بیرون ملک سے آنے والے مسافروں کی جانچ گیا بین الاقوامی ہوائی ڈہ پر کی جارہی تھی۔'

انہوں نے بتایا کہ 'میانمار سے آئے دو گروپ کے تیس مسافروں میں سے ایک مسافر پر کورونا وائرس سے متاثر ہونے کے شک کی بنیاد پر اسے فوراً اے این ایم سی ایچ بھیجا گیا ہے۔'

ڈاکٹر کرشنا نے بتایا کہ 'مشکوک مریض کے خون کا نمونہ جانچ کے لیے پٹنہ واقع آر ایم آر آئی بھیج دیا گیا ہے اور رپورٹ آنے تک مذکورہ مریض کو علیحدہ وارڈ میں رکھا جائے گا۔'

واضح رہے کہ گیا میں کورونا وائرس سے متاثر دوسرے مشتبہ مریض کو داخل کرایا گیا ہے۔

چین میں کوروناوائرس کا پہلا معاملہ گزشتہ سال دسمبر کے آخر میں ووہان شہر سامنے آیا تھا۔ موجودہ وقت میں یہ دنیا کے 20 سے زیادہ ملکوں میں پھیل چکا ہے۔