کمزور مانسوں سے کسان تشویش میں مبتلا

بھارتی ریاست بہار کے ضلع گیا میں مانسون کی آمد کے بعد بھی بارش برائے نام ہوئی ہے، بارش نہیں ہونے کی وجہ سے کھیتی کے متعلق کسانوں کو تشویش لاحق ہے۔

گیا کے شہری اور دیہی علاقے ان دونوں پانی کی قلت سے دوچار ہیں۔ بارش کی کمی کی وجہ سے کھیتی بھی بری طرح متاثر ہورہی ہے۔ بارش کی امید پر ضلع کے بگداہا گاؤں کے کسان نے کھیل کو جوت کر تیار کر رکھا ہے اور بیج ڈالنے کے لیے بارش کا انتظار کررہے ہیں۔

دوسری جانب خواتین کو پینے کے پانی کا انتظام کرنے میں بھی شدید دشواریوں کا سامنا کرنا پڑرہا ہے۔

بارش کی کمی کی وجہ سے کھیتی اور پینے کے پانی دونوں کی دشواریوں کا سامنا کرنا پڑرہا ہے۔ اب یہ دیکھنا اہم ہے کہ قدرت کسانوں پر کب مہربان ہوتی ہے۔