کانگریسی رہنما کی برتھ ڈے پارٹی میں بی جے پی کا جشن

بہار کانگریس کے رہنما کے برتھ ڈے پارٹی میں بی جے پی نے جم کر جشن منایا، جس میں وزیر صنعت سید شاہنواز حسین بھی شامل ہوئے۔

بہار کانگریس کے ایک بڑے رہنما و سابق ریاستی وزیر اودھیش سنگھ کے بیٹا اور کانگریسی رہنما ششی شیکھر سنگھ کی یوم پیدائش کا جشن بی جے پی نے دھوم دھام سے منایا ہے۔ برتھ ڈے پارٹی میں بی جے پی کے قومی ترجمان و ریاست کے وزیر صنعت سید شاہنواز حسین، سابق ریاستی وزیر وگیا ٹاون حلقہ کے رکن اسمبلی ڈاکٹر پریم کمار، جے ڈی یو ایم پی وجے کمار مانجھی سمیت بی جے پی کے ضلع صدر دھننجے شرما، سنتوش سنگھ سمیت کئی بڑے رہنماشامل ہوئے۔

پارٹی کی تقریب کے بعد قیاس آرئیاں تیز ہونے لگی ہیں کہ سابق وزیر اودھیشن سنگھ نے اپنے بیٹا ڈاکٹر ششی شیکھر سنگھ کو بی جے پی میں شامل ہونے کی اجازت دے چکے ہیں، حالانکہ اودھیشن سنگھ اس برتھ ڈے پارٹی میں خود شامل نہیں ہوئے تھے۔