درخت سے باندھ کر بچے کی پٹائی، ویڈیو وائرل

بہار کے جموئی ضلع میں ایک نابالغ بچے کی لنچنگ کا معاملہ سامنے آیا ہے، جہاں لوگ چوری کے الزام میں پکڑ کر بے رحمی سے پٹائی کررہے ہیں۔ ویڈیو وائرل ہونے کے بعد پولیس نے جانچ کی بات کہی ہے۔

بہار کے جموئی ضلع کے ٹاؤن تھانہ علاقے میں سائیکل چوری کا الزام لگاکر محلے والوں نے ایک بچے کی بے رحمی سے پٹائی کردی۔ اس دوران بچہ لوگوں سے چھوڑ دینے کی فریاد کرتا رہا، لیکن لوگ اسے پیٹتے رہے۔ اس پوری پٹائی کا ویڈیو سوشل میڈیا پر وائرل ہورہا ہے۔

جانکاری کے مطابق یہ واقعہ بودھون علاقے کے جے شنکر نگر محلے کا ہے۔ بتایا گیا ہے کہ گزشتہ دنوں اسی محلے کے رہائشی گنیش سنگھ کی ایک سائیکل چوری ہوئی تھی۔ جس کے بعد چوری کا الزام لگاکر گاؤں والوں نے ایک نابالغ بچے کو پکڑ کر اس کی جم کر پٹائی کردی۔

ویڈیو وائرل ہونے پر مقامی ایس ڈی پی او ڈاکٹر راکیش کمار نے بتایا کہ ’’اس واقعے کی جانکاری ملی ہے۔ نابالغ کی پٹائی کا وائرل ویڈیو کی جانچ کی جارہی ہے۔ بھیڑ سے بچے کو چھڑا لیا گیا ہے، متاثر بچے کی پہچان نہیں ہوپائی ہے، جس کے بعد جانکاری جمع کی جارہی ہے۔ ویڈیو کی جانچ کے بعد قصورواروں پر کارروائی کی جائے گی۔ حالانکہ متاثر بچے کی طرف سے ابھی تک کوئی شکایت درج نہیں کرائی گئی ہے۔