مرکز کے فیصلے لوگوں کے حق میں :مودی

وزیراعظم نریندرمودی نے کہا ہے کہ مرکزی حکومت ملک کے لوگوں کے حقوق کو توجہ میں رکھ کر فیصلے کررہی ہے اور پوری ایمانداری سے پالیسیوں کو نافذ کررہی ہے۔

مسٹر مودی نے جمعرات کو یہاں ہماچل پردیش حکومت کی جانب سے منعقد عالمی سرمایہ کاری کانفرنس سے خطاب کرتے ہوئے کہا کہ مرکزی حکومت ملک کی ترقی میں ریاستوں کو آگے بڑھا رہی ہے اور آج یہاں جو پروگرامنعقد کیاگیاہے،وہ ظاہرکرتا ہے کہ اب ریاستیں بھی ترقی کی دوڑ میں شامل ہوچکی ہیں۔
انہوں نے کہا کہ ایک سال پہلے ہماچل پردیش میں اس طرح کے انعقاد کا کوئی تصور نہیں کرسکتا تھا،لیکن ہماچل پردیش حکومت نے یہا کردکھایا ہے اور یہ ریاستی ترقی کے راستے پر نکل چکی ہے۔مسٹر مودی نے کہا کہ ہماچل پردیش میں کوٹ کوٹ کر توانائی اور قدرتی وسائل کی ناختم ہونے والی مقدار ہے لیکن ان کا استعمال نہیں کیاگیا اور اسی وجہ سے ریاست ترقی کی دوڑ میں پیچھے رہ گئی تھی لیکن اب وہ کمر کس چکی ہے۔
وزیراعظم نریندرمودی نے کہا کہ ریاستیں ترقی کریں گی تو ملک کی ترقی ہوگی اور ہندوستان دنیا کے نقشے پر اپنا مقام حاصل کرلے گا۔