ریاست مدھیہ پردیش کے سدھی کے علاقہ میں سمیریا پولیس چوکی کے تحت پوڑی گاؤں میں گھریلو تنازعہ پر ایک نوجوان بجلی ٹاور پر چڑھ گیا، جس سے آس پاس کے علاقوں میں سنسنی پھیل گئی۔
پولیس تقریباً آٹھ گھنٹے تک ٹاور میں چڑھنے والے نوجوان کو کھمبے نیچے اتارنے کی کوشش کرتی رہی، لیکن ناکام رہی جبکہ ایک نوجوان خود ہی شام کو ٹاور سے نیچے اتر گیا۔
مقامی لوگ ٹاور پر چڑھے ہوئے ان نوجوانوں کو دیکھنے کے لیے جمع ہوگئے تاہم بتایا جارہا ہے کہ گھر میں معمولی تنازعہ کے پیش نظر نوجوان ناراض ہوکر ٹاور پر چڑھ گیا۔
انتظامیہ کو 20 سالہ امت بنسل کو اتارنے کے لیے ایڑی چوٹی کا زور لگانا پڑا وہیں دوسری جانب ڈی ایس پی اور پولیس چوکی انچارج نے نوجوان کو ٹاور سے اتارنے کے لیے کوشش کرتے رہے اور ناکام رہے جبکہ نوجون شام کو خود ٹاور سے نیچے آگیا، جس سے کنبہ نے راحت کی سانس لی جبکہ اس دوران نوجوان زخمی بھی ہوا، جسے کمیونٹی ہسپتال میں داخل کرایا گیا ہے جہاں اس کا علاج جاری ہے۔
ڈی ایس پی نیرج نام دیو نے بتایا کہ دراصل ٹاور میں بجلی کی تار نہیں تھے جس کی وجہ سے ایک بڑا حادثہ پیش آنے سے ٹل گیا۔
