دہلی میں کورونا وائرس کے دو ہزار سے زائد فعال کیسز

قومی دارالحکومت میں کورونا وائرس کے فعال معاملے دو ہزار 177 تک پہنچ چکے ہیں، جس میں 11 مریض وینٹی لیٹر پر ہیں جن کی حالت نازک بتائی جا رہی ہے۔

وزیر صحت ستیندر جین نے منگل کو بتایا کہ دہلی میں کورونا انفیکشن کے کل تین ہزار 801 معاملے آچکے ہیں،جن میں سے 877 مریض صحت مند ہوئے ہیں اور 54 کی موت ہو چکی ہے۔

پیر کو دہلی میں 190 نئے معاملے آئے تھے، ملک میں کورونا معاملے پر تیسرے نمبر پر دہلی کے لیے راحت کی بات یہ ہے کہ یہاں صحت مند ہونے والوں کا فیصد انفیکشن سے متاثر دیگر اہم ریاستوں کے مقابلے میں بہتر ہے اور مرنے والوں کا فیصد صرف 1.74 ہی ہے۔

دہلی میں مرنے والوں میں 53.70 فیصد یعنی 29 کی عمر 60 برس یا اس سے زیادہ ہے، پچاس برس سے کم عمر کے دس متاثرین یعنی 18.52 فیصد کی موت ہوئی ہے۔ پچاس برس سے زیادہ اور 59 سال سے کم عمر کے 15 مریضوں یعنی 27.78 فیصد کی جان گئی ہے۔ جین نے بتایا کہ دہلی میں 13 دن میں متاثرہ مریضوں کی تعداد دگنی ہو گئی ہے۔