وزیر اعظم نے مولانا کلب صادق کے انتقال پرتعزیت کا اظہار کیا

وزیر اعظم نریندر مودی نے ٹویٹ کرکے مولانا کلب صادق کے انتقال پر گہرے رنج وغم کا اظہار کرتے ہوئے کہا کہ مولانا عوام کی خدمت گزار ،فرقہ وارانہ ہم آہنگی کے علمبردار تھے ۔

زیر اعظم نریندر مودی نے ٹویٹ کرکے آل انڈیا مسلم پرسنل لا بورڈ کے سابق نائب صدر مولانا کلب صادق کے انتقال پرگہرے دکھ کا اظہارک رتے ہوئے کہا کہ مولانا خلق خدا کے بے لوث خدمت گزار، فرقہ وارانہ اتحاد کے علمبردارتھے۔

وزیر اعظم مودی کا ٹویٹ

انہوں نے مولانا ان کے اہل خانہ اور ان کے لواحقین سے اظہار تعزیت کی ہے۔

واضح رہے کہ آل انڈیا مسلم پرسنل لاء بورڈ کے نائب صدر عالمی شہرت یافتہ شیعہ عالم دین ڈاکٹر سید کلب صادق نے گزشتہ شب 81 برس کی عمر میں دنیائے فانی کو الوداع کہہ دیا۔

مولانا کلب صادق 22 جون 1939 کو لکھنؤ میں پیدا ہوئے، انہوں نے اے ایم یو سے ماسٹر ڈگری اور لکھنؤ یونیورسٹی سے عربی ادب میں پی ایچ ڈی کی تعلیم حاصل کی۔

مولانا کلب صادق کی رحلت ایک عہد کا خاتمہ ہے۔ ڈاکٹر کلب صادق نہ صرف حکومت کے فیصلوں پر اپنی بیباک رائے کے اظہار کے لیے جانے جاتے تھے بلکہ حکومت کی عوام مخالف پالیسیوں کی پرزور مخالفت بھی کیا کرتے تھے۔

مولانا ایک سیکولر شخص تھے اور یہی وجہ ہے کہ غیر مسلموں کے درمیان بھی ان کے اثرو رسوخ پائیدار تھے۔