لوک سبھا میں حزب اختلاف جماعتوں کا پرویش ورما کے متنازع بیان پر ہنگامہ

لوک سبھا میں پرویش ورما نے جب پارٹی کی جانب سے معزز صدرجمہوریہ کے خطاب پراظہارتشکرکر رہے تھے تبھی حزب اختلاف جماعتوں کے رہنماوں نے ان پر سخت نا راضگی کا اظہار کرتے ہوئے جم کر ہنگا مہ کیا۔

قومی دارالحکومت دہلی میں اسمبلی انتخابات کے پیش نظر تمام سیاسی جماعتیں ووٹ حاصل کرنے کے لیے اپنے تمام تر حربے اپنا رہی ہیں۔

خاص طورپر دہلی میں بھارتیہ جنتا پارٹی کے رہنماوں کے غلظ بیانات کی وجہ سے ان کے رہنما خوب چرچے میں ہیں۔

اطلاع کے مطابق گذشتہ روز بھارتیہ جنتا پارٹی کے رکن پارلیامان پرویش ورما نے شہریت ترمیمی قانون کے خلاف شاہین باغ میں دھرنے پر بیٹھے لوگوں کے خلاف سخت نکتہ چینی کی تھی،جس کی وجہ سے رکن پارلیا مان کو کافی دقتوں کا سامنا کرنا پڑا ہے۔

لوک سبھا میں پرویش ورما جب پارٹی کی جانب سے صدر جمہوری کے خطاب پر اظہار تشکرکر رہے تھے تبھی حزب اختلاف جماعتوں کے رہنماوں نے ان پر سخت نا راضگی کا اظہار کرتے ہوئے جم کر ہنگا مہ کیا۔

واضح رہے کہ گزشتہ روز الیکشن کمیشن نے بھی پرویش ورما کے بیان پر ناراضگی ظاہر کرتے ہوئے انہیں 48 گھنٹوں تک پارٹی کی تشہیری مہم سے دور رہنے کو کہا تھا۔