اعظم خان سے معافی کا مطالبہ

لوک سبھا اسپیکر اوم برلا سماجوادی پارٹی کے رکن اعظم خان سے ان کے خواتین مخالف تبصرے کے لئے غیر مشروط معافی مانگنے کے لئے کہیں گے اور اگر وہ معافی نہیں مانگتے ہیں تو ان کے خلاف کارروائی کی جائے گی۔

ذرائع نے جمعرات کو بتایا کہ برلا نے اپنے دفتر میں ایوان کی مختلف جماعتوں کے رہنماؤں سے ملاقات کر کے اس معاملے میں مشورہ کیا۔ ان رہنماؤں میں ادھیر رنجن چودھری، دانش علی، سپریا سلے، بھرترهر ی مهتاب، جے دیو گلا وغیرہ شامل ہیں۔

میٹنگ میں طے ہوا ہے کہ لوک سبھا اسپیکر مسٹر خان سے محترمہ راما دیوی کے خلاف کیے گئے نازیبا تبصرے کے سلسلے میں معافی مانگنے کے لئے کہیں گے۔ اگر مسٹر خان ایسا نہیں کرتے ہیں تو اسپیکر ان کے خلاف کارروائی کرنے کے مجاز ہوں گے۔

لوک سبھا میں مرکزی وزراء نرملا سیتا رمن، اسمرتی ایرانی اور روی شنکر پرساد سمیت پارٹی اور تقریباً سبھی اپوزیشن پارٹیوں کے ممبران پارلیمنٹ نے مسٹر خان کی تبصروں کی سخت مذمت کی اور اسپیکر سے مطالبہ کیا کہ وہ ایسی کارروائی کریں جو مستقبل کے لئے ایک نظیر ثابت ہو اور کوئی دوسرا شخص ایسی حماقت نہ کرسکے۔ مذمت کرنے والے اپوزیشن کے لیڈروں میں ادھيررجن چودھری، کلیان بنرجی، سپریا سلے اور كنی موڑھي شامل ہیں۔