آئی آئی ٹی دہلی کی تیار کردہ کفایتی کورونا جانچ کٹ لانچ

فروغ انسانی وسائل کے مرکزی وزیر ڈاکٹر رمیش پوکھریال نشنک نے کورونا سے لڑنے کے لیے محض 399روپے کی انتہائی کفایتی جانچ کٹ بدھ کے روز یہاں لانچ کی جو انڈین انسٹی ٹیوٹ آف ٹکنالوجی (آئی آئی ٹی )دہلی نے تیارکی ہے ۔اس کٹ کے ذریعہ 30لاکھ لوگوں کی جانچ کی جاسکتی ہے ۔

ڈاکٹر نشنک نے ویڈیو کانفرنسنگ کے ذریعہ اس کٹ کو لانچ کرتے ہوئے کہاکہ آئی آئی ٹی دہلی نے کورونابحران کے مشکل وقت میں بہت ہی کم دنوں میں یہ کٹ تیار کرکے ایک تاریخی کام کیاہے اور اس سے دنیا میں ہندستان کاسر فخر سے بلند ہواہے ۔

انھوں نے آئی آئی ٹی ، دہلی کے ڈائریکٹر راج گوپال راؤ اور انکی ٹیک کو اس کٹ کے لیے مبارک باد دیتے ہوئے کہاکہ انھوں نے بہت کم وقت میں یہ کٹ تیار کی ہے جو محض 399روپئے کی ہے جبکہ باہر یہ کٹ 2000روپئے میں ملتی ہے ۔ اس کٹ کے ذریعہ صرف تین گھنٹہ میں جانچ رپورٹ ملے گی جبکہ دیگر کٹ سے کم سے کم 24گھنٹے میں رپورٹ ملتی ہے ۔پہلے کٹ سے صرف تین لاکھ جانچ ہوپاتی تھی جبکہ اس کٹ سے 20لاکھ مریضوں کی جانچ ہوسکے گی۔