سینئر کرکٹر نوجوان کرکٹرس کو آن لائن ٹریننگ فراہم کریں گے

کرکٹ سے محبت کرنے والوں کو اپنے خوابوں کا سفر شروع کرنے کے لئے لاک ڈاؤن کے دوران سینئر کرکٹرس کی جانب سے آن لائن ٹریننگ اور کرکٹ ٹیوٹوریل کا اہتمام کیا گیا ہے۔

سیون 3اسپورٹس کرکٹ پروگرام ’’جونیئر کرکٹ چیمپیئن شپ‘‘ (جے سی سی) شروع کرے گا اس اقدام کا مقصد ’’یونیفائیڈ کریکٹنگ پلیٹ فارم‘‘ کے ذریعے ہندوستانی نوجوانوں میں کرکٹ کو فروغ دینا ہے۔ جے سی سی کو خصوصی طور پر آن لائن اور آف لائن کرکٹ پروگراموں کو جوڑنے کے لئے ڈیزائن کیا گیا ہے اور یہ تمام کرکٹ سے محبت کرنے والوں کو ایک مناسب موقع فراہم کرتا ہے۔

جے سی سی نے کرکٹ سے محبت کرنے والوں کو اپنے خوابوں کا سفر شروع کرنے کے لئے لاک ڈاؤن کے دوران کرکٹ ٹیلنٹ ہنٹ آن لائن رجسٹر کرنے کی دعوت دی ہے۔ اس کے بعد ہندوستانی کرکٹ کمپنیاں - چیتن شرما، اشوک ملہوترا، ڈاکٹر سنجے بھاردواج اور سریندر کھنہ، جنہوں نے دروناچاریہ اعزاز حاصل کیا ہے انہیں آن لائن ٹرینگ اور کرکٹ ٹیوٹوریل دیں گے۔

اسپورٹس اتھارٹی آف انڈیا کے ساتھ اس اقدام پر بین الاقوامی کرکٹر اور اسکول اسپورٹس پروموشن فاؤنڈیشن کے سابق صدر مسٹر چیتن شرما نے کہا ’’کسی بھی ملک کے کرکٹ کے مستقبل کی کامیابی میں جونیئر کرکٹ کا خصوصی تعاون ہے۔ میں نے اپنے کرکٹ کیریئر کا آغاز ویسٹ انڈیز کے دورے پر اسکول کی نمائندگی کرتے ہوئے کیا۔ ہمیں اس کھیل سے لوگوں کی محبت اور کامیابی ملی ہے۔ لہذا مجھے یقین ہے کہ ہمیں بھی اس کھیل کے لئے کچھ کرنا چاہئے۔ میں نئے زمانے کی جے سی سی میں شامل ہونے پر بہت خوش ہوں اور مجھے یقین ہے کہ جے سی سی نوجوانوں میں کرکٹ کو زیادہ مقبول بنانے کے ہمارے خواب کو پورا کرے گا۔ ‘‘

سابق ہندوستانی کرکٹر سابق قومی سلیکٹر اور انڈین کرکٹ ایسوسی ایشن کے صدر مسٹر اشوک ملہوترا نے کہا ’’میں اس کوشش میں جڑا ہوا ہوں جو ایک بڑے مقصد کے ساتھ شروع ہوئی۔ نوجوان کرکٹرز جے سی سی کے ذریعہ اپنے خوابوں کو شرمندہ تعبیر کرنے کے لئے خوش اور پرجوش ہیں۔‘‘

نوجوانوں کی ضروریات کو مدنظر رکھتے ہوئے ڈاکٹر سنجے بھاردواج نے جدید کرکٹ کے چیلنجوں کے لئے انہیں تیار کرنے کے لئے جے سی سی کے خصوصی ماڈیول تیار کیے ہیں۔

ان مواقع کے بارے میں سابق ہندوستانی کرکٹر سریندر کھنہ نے کہا ’’جے سی سی کو ایک مربوط کرکٹ پلیٹ فارم کے طور پر تیار کیا گیا ہے جو نوجوان کرکٹرز کو پہلی بار کلب کی سطح پر کرکٹ کھیلنے کا نایاب تجربہ فراہم کرے گا۔

’’وہ کرکٹ کے بہت بڑے نیٹ ورک کا حصہ ہوں گے۔ دوست بنائیں گے اور کرکٹ کے دلچسپ لمحات جے سی سی سوشل میڈیا پر براہ راست شئیر کرے گا۔‘‘

جے سی سی کے بے مثال ڈیزائن میں ملک بھر میں 100 نجی کلبوں کی تشکیل بھی شامل ہے۔ ’’جے سی سی کرکٹ ٹیلنٹ ہنٹ‘‘ میں کوالیفائی کرنے کے بعد 8 سے 18 سال کی عمر کے لڑکوں کو کلب کرکٹ کھیلنے کا موقع ملے گا۔

توقع کی جاتی ہے کہ وہ ہندوستان بھر کے 66 شہروں تک پہنچ کر آن لائن کریٹنغ کی سب سے بڑی جماعت بن جائے گی۔ خواہش مند نوجوان کرکٹر جے سی سی کی ویب سائٹ اندراج کر سکتے ہیں۔

جونیئر کرکٹ چیمپیئن شپ (جے سی سی) اسکول کے بچوں کے لئے سالانہ کرکٹ ٹورنامنٹ کی طرح تیار کی گئی ہے۔ جے سی سی کا مقصد ہندوستانی نوجوانوں میں کرکٹ کے کھیل کو فروغ دینا ہے۔ جونیئر کرکٹ چیمپیئن شپ ہندوستان کا پہلا ’’یونیفائیڈ کریکٹنگ پلیٹ فارم‘‘ ہے جس کا مقصد آن لائن اور آف لائن کرکٹ سرگرمیوں کو مربوط کرنا ہے۔ اس کے انوکھے ڈیزائن کا مقصد ملک بھر میں نجی کلبوں کو بہتر معیار پر تشکیل دینا ہے۔ یہ ملک بھر میں ’’کرکٹ ٹیلنٹ ہنٹ‘‘ کے ذریعے ہندوستان کا سب سے بڑا مربوط کرکٹ پلیٹ فارم ہے جو 18 برس سے کم عمر کے نوجوانوں کو کلب کرکٹ کھیلنے اور اپنی کرکٹ کی مہارت دکھانے کا موقع فراہم کرے گا۔

قابل ذکر ہے کہ سیون 3 اسپورٹس ایک معروف اسپورٹس کمپنی ہے جس نے 2013 اور 2014 میں (برصغیر کو چھوڑ کر) ٹی وی کی نشریات کا متاثر کن ٹریک ریکارڈ رہا ہے۔ کمپنی نے 2014 میں فیفا ورلڈ کپ کو کئی دوسرے ایشیائی ممالک میں ٹیلی کاسٹ کیا۔