'امن و محبت کا پیغام عام کرنا ہے'

بھارت میں پھیلے نفرت کے ماحول کو ختم کرنے کے لیے جماعت اسلامی نے معاشرے کے ہر طبقہ تک رسائی کرنے کا اعلان کیا ہے۔

ملک بھر میں پھیلے نفرت کے ماحول کے مدنظر جماعت اسلامی ہند نے معاشرے کے تمام طبقات تک رسائی کرنے اور آپسی بھائی چارگی کو فروغ دینے کے لیے بات چیت و مذاکرات کا راستہ اختیار کرنے کا اعلان کیا۔

جماعت اسلامی ہند کے امیر سعادت اللہ حسینی نے ای ٹی وی بھارت سے بات کرتے ہوئے کہا سماج کے ہر طبقہ تک اسلام کا امن و سلامتی کے پیغام کو پہنچایا جائے گا۔ اس سلسلہ میں محلہ واری اور کمیونٹی سطح پر مذاکرات منعقد کرنے کا منصوبہ بنایا گیا ہے۔

انہوں نے ملک میں امن قائم کرنے کے مقصد کی خاطر آر ایس ایس سے بھی مذاکرات کرنے کا ارادہ ظاہر کیا۔

سعادت اللہ حسینی نے کہا کہ ہم کسی بھی تنظیم یا سوسائٹی سے بات کرنے کےلیے تیار ہیں تاکہ ان تک اپنا پیغام پہنچایا جاسکے۔

جماعت کے امیر نے نفرت کے واقعات روکنے کے لیے محبت کا راستہ اختیار کرنے پر زور دیا اور کہا کہ لائسنس کے ہتھیار رکھنے کو فروغ دینا غلط ہے۔

انہوں نے کہا کہ مسلمانوں کو ڈرکر رہنے کی ضرورت نہیں ہے۔