انڈین انسٹی ٹیوٹ آف ٹیکنالوجی دہلی کے الیکٹرانک انجینیئرنگ کے طلبا نے ایک اسمارٹ 5 جی پاور میٹر تیار کرکے اپنی تخلیقی صلاحیت کا مظاہرہ کیا ہے۔
طلبا کی اہم پہل، اسمارٹ پاور میٹر دہلی آئی آئی ٹی کے طلبا نے ایک ایسا اسمارٹ پاور میٹر تیارکیا ہے جس کے ذریعے بآسانی صارفین کو یہ معلومات فراہم کی جائے گی کہ کونسی الیکٹرانک اشیاء کتنی بجلی صرف کرتی ہے۔ مزید اس پاور میٹر کی مدد سے معلومات دینے کا دعوی کیا جا رہا ہے کہ دن کے کس حصے میں بجلی سب سے کم خرچ ہوتی ہے۔
یہ پاور میٹر 5 جی ٹیکنالوجی سے لیس ہے۔ مزید ڈیٹا دیکھنے کے لیے ایک موبائل ایپ بھی تیار کیا جارہا ہے۔
ای ٹی وی بھارت کے ساتھ بات چیت کرتے ہوئے ایک طالب علم نے بتایا کہ 'اس منصوبے کے لیے نیرو بینڈ انٹرنیٹ آف تھنگس کا استعمال ہوا ہے جو 5 جی تکنیک سے لیس ہے، جسے متعدد ڈیوائس کے ساتھ جوڑا جا سکتا ہے۔ اس کے ذریعے بجلی کی کھپت سمیت دیگر معلومات حاصل کی جاسکے گی۔'
اس کے علاوہ انہوں نے بتایا کہ 'اس اسمارٹ میٹر میں 5 جی تکنیک استعمال کی گئی ہے جو ڈیٹا کو مین سرور تک بہت تیزی سے بھیجنے کے اہل ہوگی۔'
اس میٹر سے صارفین اور بجلی کمپنی دونوں کو فائدہ ہو گا۔ جہاں صارفیں یہ معلومات حاصل کرسکیں گے کہ کونسی الیکٹرانک اشیاء کتنی بجلی صرف کرتی ہے اور دن کے کس حصے میں بجلی سب سے کم خرچ ہوتی ہے۔
دوسری جانب بجلی کمپنیوں کو بھی یہ معلومات مل سکے گی کہ صارف سب سے کم بجلی کس دن خرچ کرتے ہیں، جس سے اس اس دن کی بجلی کو کسی دوسرے صنعت یا دیگر ضرورت کے لیے استمعال کر سکیں گے۔
