رکن اسمبلی مامن خان انجینئر نے محکمہ بجلی کے ایس ای، ایس ایس سانگوان اور محکمہ صحت عامہ کے ایس ای جنکراج سمیت دیگر عہدیداروں کے ساتھ میٹنگ کی۔ اور دونوں محکموں کے تمام افسران کو بجلی اور پانی کی فراہمی کے متعلق سخت ہدایات دیں۔
پانی انسان کے بنیادی ضرورت میں سے ایک ہے۔ خصوصاً گرمی کے موسم میں پانی کی کمی بہت بڑا مسئلہ ہے۔ لیکن گزشتہ دنوں بجلی اور پانی کی فراہمی میوات میں بڑا مسئلہ بن کر ابھرا ہے۔ رکن اسمبلی نے سہ پہر کے وقت سرکٹ ہاؤس نوح میں ایس ای جنکراج ، ایکس ای این فضل حسین، ایکس ای این سروہا، ایس ڈی او اشوک کمار، جے ای عابد حسین اور جے ای ولی محمد اور محکمہ صحت کے دیگر عہدیداروں سے میٹنگ کرتے ہوئے انہیں عوام کو پانی کی فراہمی کے متعلق سخت ہدایات دیں'۔
انہوں نے ایس ای سانگوان سے کہا کہ' کسی بھی صورت میوات کی عوام کو پانی ملنا چاہیے اگر آپ ایسا نہیں کر پاتے ہیں تو محکمہ بند کردیں حکومت کو معلوم ہونا چاہیے کام کیسے ہورہا ہے۔ انہوں نے کہا کہ گاؤں ساکرس، نگینہ، گھاگس، کنسالی، کرھیڈی، ستواڑی، مانڈی کھیڈا، گنڈوری،گوہانہ جاٹکا شیشونا سمیت کئی درجن دیہات اپنے علاقے میں پانی کی شدید پریشانی کا سامنا کر رہے ہیں۔ جن گاؤوں میں جہاں رین ویل منصوبے کے تحت پانی کے ٹینک بنائےگئے ہیں، یا تو لائن بچھائی نہیں گئی ہے یا ان تک پانی نہیں پہنچ رہا ہے'۔