نوئیڈا میں ڈینگی سے حالات ابتر، سماج وادی پارٹی کی فاگنگ مہم

نوئیڈا میں ڈینگی کی وجہ سے حالات انتہائی ابتر نظر آرہے ہیں جبکہ سرکاری عملہ غیر فعال نظر آرہا ہے۔ وہیں سماجوادی پارٹی نے علاقے میں فاگنگ کی مہم کا آغاز کیا ہے۔

اترپردیش کے نوئیڈا میں ڈینگی کا قہر بڑھتا جا رہا ہے۔ شہر اور دیہی علاقوں کے اسپتال میں بیڈ خالی نہیں ہیں، جس کے پیش نظر سماج وادی پارٹی نے ضلع میں ڈینگو کے بڑھتے ہوئے معاملات کو روکنے کے لیے فوگنگ مہم شروع کی ہے۔

سنیل چودھری کی قیادت میں مہا نگر اور لوہیا واہنی کی ٹیم بڑھ چڑھ کر اس مہم میں حصہ لیا۔جس میں مہا نگر نائب صدر شکیل سیفی، لوہیا واہنی کے مہانگر صدر عظیم زیدی، نائب صدر اور ترجمان نور حسن، آصف نورانی، ندیم سیفی، ارشاد سیفی شامل تھے۔ پہلے دن سیکٹر 20، 19، 17، 18،14,15 میں فوگنگ کی جارہی ہے۔ پارٹی نے کہا ہے کہ فوگنگ آگے بھی جاری رہے گی۔

ایس پی رہنما سنیل چودھری نے کہا کہ ضلع میں بخار اور ڈینگو سے اموات کی مسلسل اطلاعات موصول ہورہی ہیں۔ اس کے باوجود ضلعی انتظامیہ کی جانب سے علاقے میں فوگنگ نہیں کی جارہی ہے جبکہ لوگ ڈینگی سے متاثر ہو رہے ہیں۔ وہیں سرکاری ہسپتالوں میں مریضوں کو بروقت علاج نہیں مل رہا۔ انہوں نے کہا کہ ایسے میں نجی ہسپتالوں میں علاج کی وجہ سے لوگوں کے جیبوں پر برا اثر پڑ رہا ہے۔

عظیم زیدی اور ندیم سیفی کا کہنا ہے کہ ضلع میں صورتحال تشویشناک ہے۔ نوئیڈا اتھارٹی اور محکمہ صحت ان سیکٹروں میں فوگنگ نہیں کر رہے ہیں۔ اس لیے ایس پی نے شہر کے تمام دیہاتوں اور سیکٹروں میں فوگنگ کرانے کا فیصلہ کیا ہے۔

اس موقع پر سنیل چودھری، دیپک وِگ، وپن اگروال، دلبر سنگھ راوت، شکیل سیفی، نور حسن ،ندیم سیفی ،ارشاد سیفی ،اصف نورانی ،یوگیش بھاٹی، وجے یادو، گورو کمار یادو، جتیندر نگر، کلدیپ شرما، ہیرا سنگھ نیگی، اتل یادو، جگجیت سنگھ، عظیم علی زیدی، سمیت امباوت۔ ، کوشلیا بھٹ، اوم ویر یادو، کویتا گرجر، شمشاد سیفی، ، شبھرا، دلشاد وغیرہ موجود تھے۔