جنتا کرفیو کے دوران پھول دے کر عوام کو بیدار کرنے کی کوشش

دارالحکومت دہلی میں جنتا کرفیو کے دوران باہر نکلنے والے افراد کو دہلی پولیس پھول دیکر کورونا وائرس سے بیدار کرنے کی کوشش کررہی ہے اور بلا ضرورت باہر نہ نکلنے کی ہدایت بھی دے رہے ہیں۔

کورونا وائرس سے نمٹنے کے لیے احتیاطی تدابیر اختیار کرتے ہوئے وزیر اعظم نریندر مودی نے 22 مارچ یعنی آج کے دن جنتا کرفیو کی اپیل کی تھی جسے ملک بھر سے عوام کی زبردست حمایت حاصل ہورہی ہے۔

تاہم وہیں کچھ لوگ اپنی ضرورتوں کی وجہ سے باہر نکل رہے ہیں جنہیں دہلی پولیس پھول دیکر انہیں غیر ضروری گھر سے باہر نکلنے اور کورونا وائرس کے خطرات کے پیش نظر وائرس سے بچنے کے لیے ماسک اور سینیٹائزر کے استعمال پر زور دے رہے ہیں

جہاں ایک طرف دنیا بھر میں کورونا وائرس سے لوگوں کے ذہنوں میں ڈر و خوف کا ماحول ہے وہیں کچھ لوگ اپنی جان پر کھیل کر عوام کی خدمات انجام دے رہے ہیں اس میں ڈاکٹرز کے ساتھ ساتھ پولیس بھی کا بھی کافی اہم کردار ہے.

ڈی سی پی، پی سی آر شرت کمار سنہا نے ای ٹی وی بھارت سے فون پر بات کرتے ہوئے بتایا کہ اس وقت دہلی میں 700 پی سی آر یونٹ ہیں اور سبھی آج مستعدی سے اپنی ڈیوٹی انجامِ دے رہیں ہیں.

واضح رہے کہ کورونا وائرس کے سبب عالمی سطح پر 185 ممالک متأثر ہیں جن میں اس وبا سے 11395لوگوں کی موت ہوچکی ہے جبکہ تقریبا 270971افراد اس سے متاثر ہیں۔

بھارتمیں بھی کورونا وائرس کی وبا پھیلتی جارہی ہے اور اب تک اس سے متاثروں کی تعداد 300سےتجاوز کر چکی ہے اور چھافراد کے پلاک ہونے کی تصدیق بھی ہوچکی ہے۔