دہلی: 'ہسپتال کسی دوسرے مریضوں کے علاج سے انکار نہ کریں'

مرکزی دارالحکومت دہلی میں کورونا وائرس وبا کے پیش نظر ڈاکٹرز اب ان مریضوں کے علاج سے کترا رہے ہیں جو کسی دیگر بیماری میں پہلے سے مبتلا ہیں۔ ہیلتھ سکریٹری نے تمام نجی اور سرکاری ہسپتالوں کے ڈائریکٹر اور میڈیکل سپرنٹنڈنٹ کو حکم دیا ہے کہ کورونا کے علاوہ دیگر کسی بھی مرض کا علاج کرانے آئے لوگوں کا علاج کیا جائے۔

آپ کو بتا دیں کہ دہلی کے نجی اور سرکاری ہسپتال نیورو سرجری، ہڈیوں اور پھیپھڑوں کی دشواری، خواتین کے امراض اور امراض قلب کے عام اور سنگین مریضوں کو کورونا کی جانچ پڑتال کے لئے کووڈ-19 ہسپتال بھیجا جا رہا ہے تاکہ وہ پہلے کرونا کی منفی رپورٹ لائیں اور پھر اپنا علاج کروائیں۔

ذرائع کے مطابق نجی اور سرکاری ہسپتالوں میں علاج اور سرجری سے قبل ہی اب مریضوں سے ڈاکٹرز کورونا منفی سرٹیفکیٹ طلب کر رہے ہیں۔اس کی وجہ سے 'ایل این جے پی'صفدر جنگ سمیت کووڈ-19 کے دیگر ہسپتالوں میں مریضوں کا بڑا ہجوم جمع ہونا شروع ہوگیا ہے۔

دہلی: 'ہسپتال کسی دوسرے مریضوں کے علاج سے انکار نہ کریں'

دہلی حکومت کو جب یہ بات پتہ چلی کہ علاج اور سرجری سے قبل مریضوں کی کورونا منفی رپورٹ کے لئے معلومات طلب کی گئیں تو حکومت نے ہسپتالوں کے ڈاکٹرز کو اس طرح کی رپورٹ طلب نہ کرنے کا حکم جاری کیا ہے۔

دہلی کے ہیلتھ سکریٹری نے تمام نجی اور سرکاری ہسپتالوں کے ڈائریکٹر اور میڈیکل سپرنٹنڈنٹ کو حکم دیا ہے کورونا کے علاوہ دیگر کسی بھی مریض کا علاج کرانے آئے لوگوں کا علاج کیا جائے۔

علاج کے وقت ہسپتال کے ڈاکٹر اور دیگر صحت کے کارکن حفاظت کے تمام معیارات پر عمل کرتےرہیں۔ اگر کوئی مریض علاج کے دوران کورونا مثبت پایا جاتا ہے تو اس سلسلے میں جاری کردہ ہدایات پر عمل کریں۔ ہسپتال کسی دوسرے مریضوں کے علاج سے انکار نہیں کریں گے۔

دیگر مریضوں کو دہلی حکومت کے اس حکم سے کچھ راحت مل سکتی ہے۔ کیونکہ دارالحکومت کے بہت سے نجی ہسپتال کورونا معائنے کے نام پر کم سے کم پانچ ہزار روپے وصول کرتے ہیں۔ سرجری اور دیگر علاج سے پہلےکورونا منفی تحقیقات کی رپورٹ نے مریضوں اور تیمارداروں پر ایک اور بوجھ ڈالا ہے۔