مسلم راشٹریہ منچ کے پروگرام میں ہنگامہ اور تشدد

سی اے اے کی حمایت میں ، مسلم راشٹریہ منچ، کانسٹی ٹیوشن کلب آف انڈیا کے ڈپٹی اسپیکر ہال میں قومی علماء کانفرنس کا انعقاد کیا گیا۔

مسلم راشٹریہ منچ کے پروگرام میں نعرے بازی اور مار پیٹ کا معاملہ سامنے آیا ہے۔ آج سی اے اے کی حمایت میں ، مسلم راشٹریہ منچ نے کانسٹی ٹیوشن کلب آف انڈیا کے ڈپٹی اسپیکر ہال میں کانفرنس کا انعقاد کیا تھا۔

اس پروگرام میں نعرے بازی کرنے والوں کے ساتھ مارپیٹ کی گئی جبکہ اس دوران لوگ سی اے اے کی مخالفت میں نعرے بازی کرتے رہے۔ ناظمین پروگرام مسلسل لوگوں کو سمجھاتے رہے لیکن ناراض لوگوں نے نعرےبازی جاری رکھی۔

معاملہ بڑھتا دیکھ کر مسلم راشٹریہ منچ کے کارکنان نے مخالفت کرنے والوں کے ساتھ مارپیٹ شروع کر دی اور انہیں ہال سے باہر کر دیا۔