سی بی ایس ای: نئے سیشن سے آرٹ اور ہنر مندی کی کلاس شروع ہونگی

سنٹرل بورڈ آف سیکنڈری ایجوکیشن (سی بی ایس ای) نے نئے سیشن سے کلاس دس تک کے طالب علموں کے لئے آرٹ اور ہنرمندی پر مبنی پروجیکٹ شروع کرنے کا فیصلہ کیا ہے۔

انسانی وسائل کے فروغ کے مرکزی وزیر ڈاکٹر رمیش پوکھریال نشنک نے جمعہ کو ٹویٹر پر یہ اطلاع دی کہ سی بی ایس ای نے نئے سیشن سے دسویں جماعت تک آرٹ اور ہنرمندی پر مبنی پروجیکٹ شروع کرنے کا فیصلہ کیا ہے۔

انہوں نے کہا کہ موجودہ سیشن سے سبھی سی بی ایس ای اسکولوں میں کلاس 1 سے10 کے طالب علموں کے لئے آرٹ اور ہنرمندی پر مبنی پروجیکٹ کو شامل کیا گیا ہے۔

انہوں نے کہا کہ ملک میں اتحاد اور یکجہتی کو فروغ دینے کے لئے کم از کم ایک پروجیکٹ 'ایک بھارت شریسٹھ بھارت پروگرام' پر مبنی ہوگا۔

سی بی ایس ای نے اس سلسلے میں 19 صفحے کا سرکلیولر بھی جاری کیا ہے جو بورڈ کی ویب سائٹ پر دستیاب ہے۔