آخری رسومات کے بعد خاتون پائی گئی کورونا مثبت

قومی دارالحکومت دہلی کے جہانگیر پوری علاقے میں واقع سی بلاک میں ایک خاتون کی چھ اپریل کو آر ایم ایل اسپتال میں علاج کے دوران موت ہو گئی تھی۔ موت کے بعد اہل خانہ نے خاتون کی آخری رسومات بھی کر دی، لیکن اس کے بعد پتہ چلا کہ خاتون کورونا مثبت تھی۔

آر ایم ایل اسپتال میں زیر علاج خاتون کی موت کے بعد اس کی رپورٹ کورونا مثبت آئی ، فی الحال انتظامیہ نے ہلاک شدہ خاتون کے رابطے میں آئے 13 افراد کو نریلا کے قرنطینہ مرکز میں بھیج دیا ہے۔

اب تفتیش کی بات یہ ہے کہ کیا اس خاتون میں کورونا کی علامت پہلے سی ہی تھی اگر پہلے سے ہی تھی تو اس میں کس کی لا پرواہی رہی، یہ تو تحقیقات کے بعد ہی پتہ چلے گا، لیکن یہاں قابل ذخر ہے کہ جہانگیر پوری کا 'بی' بلاک پہلے ہی سیل کر دیا گیا ہے۔